Wararka laga helayo Buuraha Galgala ayaa sheegaya in ciidamada PSF ee Puntland burburiyeen 2 saldhig oo ay buuraha silsilada Golis ku lahaayeen kooxo ka tirsan Ururka Alshabab, ka dib hawlgal ay ka sameeyeen 06 July 2017 inta u dhaxaysa deegaanada Madarshoon iyo Diindigle
Saraakiil ka tirsan Ciidanka oo la hadlay Warbaahinta PUNTLAND POST ayaa sheegay in hawlgalkooda ku dileen ilaa 12 dagaalyahan oo ka tirsan Ururka Alshabab
Waxay intaas ku dareen Saraakiishan oo ka gaabsadey magacyadooda in la shaaciyo saldhigyada la burburiyay inay Alshabab ku lahaayeen qarar ku yaala deegaanada Madarshoon iyo Agagaarka Deegaanka Diindigle .
Waxaay sheegeen saldhig kasta in ciidanku ugu tagey ilaa dhawr boqol oo ah noocyada kala duwan ee raashinka iyo Agabyo kale.
Ciidamada PSF ayaa qeyb libaax ku leh hawlgalada Puntland kula dagaalamayso kooxaha ka tirsan Alshabab iyo Daacish, Mana ahan markii ugu horeysay oo ay saldhigyo ka burburiyaan .
http://puntlandpost.net/2017/07/07/...ldhigyo-shabaab-ku-lahaayeen-buuraha-galgala/
